تازہ ترین
  • بریکنگ :- لاہور:ماڈل ٹاؤن میں فائرنگ،پولیس کانسٹیبل شہید
  • بریکنگ :- پولیس نےپی ٹی آئی کارکن کےخلاف کریک ڈاؤن کیا،ڈی آئی جی آپریشنز
  • بریکنگ :- لاہور:پولیس نے 112 سی ماڈل ٹاؤن میں چھاپہ مارا،ڈی آئی جی آپریشنز
  • بریکنگ :- پی ٹی آئی کارکن ساجد کےگھرکی چھت سےفائرکیاگیا،ڈی آئی جی
  • بریکنگ :- لاہور:فائرکانسٹیبل کمال احمدکی سینےمیں لگا،ڈی آئی جی آپریشنز
  • بریکنگ :- قانون کوہاتھ میں لینےوالوں کی خلاف کارروائی کررہےہیں،ڈی آئی جی آپریشنز
  • بریکنگ :- فائرکرنےوالےکی گرفتاری کےلیےچھاپہ ماراگیاہے،ڈی آئی جی آپریشنز

ترکی 'جعلی خبریں' پھیلانے پر بین الاقوامی میڈیا کیخلاف پھٹ پڑا

Published On 08 October,2021 11:15 pm

لاہور:(ویب ڈیسک)ترکی کے صدارتی دفتر محکمہ مواصلات کے سربراہ فخر الدین آلتن جعلی خبریں پھیلانے پر بین الاقوامی میڈیا کیخلاف پھٹ پڑے۔

ترک میڈیا رپورٹ کے مطابق کے صدارتی دفتر محکمہ مواصلات کے سربراہ فخر الدین آلتن نے خبر ایجنسی  رائٹرز  اور  فارن پالیسی  کو ملک کیخلاف غلط رپورٹس پھیلانے پر ہوش کے ناخن لینے کے لئے کہا۔

فخر الدین آلتن نے ملک کے مرکزی بینک اور وزیر دفاع کے بارے میں رپورٹنگ کرتے ہوئے جعلی اور جھوٹ پر مبنی خبریں پھیلنے پر بین الاقوامی خبر رساں اداروں کو شدید تنقید کا نشانہ بنایا ہے۔

ترکی کے صدارتی دفتر محکمہ مواصلات کے سربراہ کی جانب سے سماجی رابطے کی ویب سائٹ ٹوئٹر پر رائٹرز اور فارن پالیسی کی مبینہ خبر شیئر کی گئی جس میں دیکھا جا سکتا ہے کہ رائٹرز نے دعویٰ کیا کہ ترک صدر طیب اردگان مرکزی بینک کے گورنر پر اپنا اعتماد کھو رہے ہیں۔

مبینہ خبر کے بعد آلتن نے ان افواہوں کو ختم کرنے میں اپنا کردار ادا کرتے ہوئے مرکزی بینک کے گورنر کی حمایت میں میں ٹوئٹ کیا۔

واضح رہے کہ نامعلوم ذرائع کے حوالے سے رائٹرز نے دعویٰ کیا تھا کہ ترکی کے مرکزی بینک کو تبدیل کیا جاسکتاہے۔

آلتن نے ان دعوؤں کو مسترد کر دیا اور کہا کہ جعلی خبریں سوشل میڈیا پر ایک مسئلہ ہوا کرتی تھیں ،لیکن مین سٹریم میڈیا بھی اب اسی مسئلے سے دوچار ہے۔

انہوں نے مزید لکھا کہ یہ بڑی تشویش کی بات ہے کہ اب بڑے ادارے بھی اسی طرح کے جھوٹ پھیلانے میں مصروف ہیں۔