نگران وزیرِاعظم کیلئے شاہد خاقان عباسی اور خورشید شاہ میں اتفاق ہو گیا ہے، نام کا اعلان 15 مئی کو ہو گا۔ خورشید شاہ کا کہنا ہے کہ نام میرے دل میں محفوظ ہے، میڈیا جتنا بھی کہے وقت سے پہلے نہیں بتاؤں گا۔
قومی اسمبلی میں اپوزیشن لیڈر سید خورشید شاہ نے صحافیوں سے غیر رسمی گفتگو میں کہا کہ نگران وزیرِاعظم کے لئے چھ ناموں پر غور کیا جن میں سے ایک پر اتفاق کر لیا گیا ہے۔ نام متفقہ اور دل میں محفوظ ہے جس کا اعلان اعلان 15 مئی کو کر دیا جائے گا۔
خورشید شاہ نے کہا کہ میڈیا جتنا بھی کہے وقت سے پہلے نام نہیں بتاؤں گا۔ نام پہلے سامنے آ جائے تو میڈیا اس کا تیا پانچہ کر دیتا ہے۔
