کراچی: (دنیا نیوز) کراچی میں انٹر امتحانات مذاق بن گئے، معمول کے مطابق آج بھی بارہویں جماعت کا انگلش کا پرچہ آوٹ ہوگیا، انٹر بورڈ خاموش تماشائی بنا ہے۔
سندھ بھر میں انٹر امتحانات کے دوران نقل کا رحجان ہے۔ میٹرک کے بعد انٹرمیڈیٹ امتحات میں بھی نقل مافیا بے لگام ہوگیا۔ کراچی میں انٹر میڈیٹ بارہویں جماعت کا انگلش کا پرچہ 40 منٹ قبل آوٹ ہوگیا۔ حل شدہ جوابات بھی سوشل میڈیا کی زینت بن گئے۔
واضح رہے کراچی میں صرف ایک دن کے علاوہ ہر پرچہ وقت سے قبل آوٹ ہوا، پیپر پہلے نقل مافیا کے پاس پہنچتا ہے بعد میں امتحانی مراکز، انٹر بورڈ میں یہ کالی بھیڑیں کون ہیں ؟ انٹر میڈیٹ بورڈ نے تاحال کوئی کارروائی نہیں کی، معاملے پر محنتی طلبہ اور والدین تشویش کا اظہار کر رہے ہیں۔
