تازہ ترین
  • بریکنگ :- ملک بھرمیں کورونا سے مزید3اموات،این آئی ایچ
  • بریکنگ :- 24گھنٹےکےدوران 20ہزار272ٹیسٹ کیے گئے،728کیسز رپورٹ
  • بریکنگ :- 161مریضوں کی حالت تشویشناک،مثبت کیسز کی شرح 3.59فیصد ریکارڈ

سمارٹ لاک ڈاؤن کے ذریعے وبائی صورتحال سے نمٹنے میں کامیاب ہوئے،وزیراعظم

Last Updated On 28 June,2020 09:24 pm

اسلام آباد: (دنیا نیوز) وزیراعظم عمران خان نے کہا ہے کہ ان کی ٹیم سمارٹ لاک ڈان اختیار کرنیوالوں میں سرفہرست ہے، اسی کے ذریعے وبائی صورتحال سے نمٹنے میں کامیاب ہوئے۔

انہوں نے اپنے ایک ٹویٹ میں کہا کہ کورونا سے پیدا شدہ بحرانی کیفیت میں وطن عزیز کو پیہم درست سمت میں رکھنے کی کوششوں میں مدد دینے پر انہیں اپنی ٹیم پر فخر ہے۔

ایک بین الاقوامی انگریزی جریدے جس نے سمارٹ لاک ڈاؤن کو کورونا سے نمٹنے کے لیے مستقبل کی حکمت عملی قرار دیا کی رپورٹ پر تبصرہ کرتے ہوئے وزیراعظم نے کہا کہ سمارٹ لاک ڈاؤن اختیار کرنے والوں میں میری ٹیم سرفہرست ہے۔
وزیراعظم نے امید ظاہر کی کہ آج سے اگر ہم احتیاطی تدابیر کی پاسداری کرتے ہیں توبحران کی سنگینی سے بخوبی نجات پا لیں گے۔

 

وزیراعظم نے بلومبرگ میں شائع ہونے والا ایک مضمون بھی شیئر کیا جس کا عنوان ہے " سمارٹ لاک ڈائونز یورپ کا مستقبل ہیں"۔

 

مضمون میں کہا گیا ہے کہ یورپی یونین کے ملکوں جرمنی پرتگال اور اٹلی نے پورے ملک کو بند کرنے کی بجائے کورونا وائرس کی روک تھام کیلئے چھوٹے چھوٹے علاقوں کو بند کر کے مخصوص یا سمارٹ لاک ڈائون نافذ کئے۔

بلومبرگ میں کہا گیا ہے کہ جب تک کورونا وائرس کی ویکسین تیار نہیں ہوتی معمول کی زندگی گزارنے کیلئے یہ طریقہ کار واحد امید ہے۔