کراچی: (دنیا نیوز) کیماڑی آئل ٹرمینل میں نجی کمپنی کی پائپ لائن میں آگ لگ گئی، کے پی ٹی کے فائر ٹینڈرز آگ پر قابو پانے میں مصروف ہیں۔
بتایا گیا ہے کہ آگ پر قابو پانے کیلئے فوم کا استعمال کیا گیا جس سے اس کی شدت کم ہو گئی۔ آگ لگنے سے 3 افراد جھلس کر زخمی ہوئے۔ سندھ رینجرز نے موقع پر پہنچ کر متاثرہ علاقے کو گھیرے میں لے لیا اور امدادی کارروائیوں میں بھی حصہ لیا۔
پاک بحریہ کی ٹیمیں بھی آئل ٹرمینل میں لگی آگ بجھانے میں معاونت کرنے پہنچ گئیں، ترجمان پاک بحریہ کا کہنا ہے کہ نیوی کی ٹیم اور فائر ٹینڈرز آگ بجھانے میں حصہ لے رہے ہیں۔
