تازہ ترین
  • بریکنگ :- پنجاب اسمبلی کےکل ارکان کی تعداد 371 ہے
  • بریکنگ :- لاہور:حکومتی اتحادکےکل 176 ارکان ہیں
  • بریکنگ :- لاہور:اپوزیشن اتحادکےکل 168 ارکان ہیں
  • بریکنگ :- لاہور:ن لیگ 164،پیپلزپارٹی کےارکان کی تعداد 7 ہے
  • بریکنگ :- 4 آزادامیدواراورایک رکن راہ حق پارٹی کاحکومت کیساتھ ہے
  • بریکنگ :- لاہور:اپوزیشن میں پی ٹی آئی ارکان کی تعداد 158ہے
  • بریکنگ :- لاہور:مسلم لیگ ق کےارکان کی تعداد 10 ہے
  • بریکنگ :- لاہور:تحریک انصاف کے 20 ارکان ڈی نوٹیفائی ہوچکے
  • بریکنگ :- 5مخصوص نشستوں پرپی ٹی آئی ارکان کانوٹیفکیشن جاری نہیں ہوسکا

فوڈ سیکیورٹی اصل خطرہ، ابھی سےتیاری شروع کرنا ہوگی:وزیراعظم عمران خان

Published On 01 July,2021 05:53 pm

اسلام آباد: (دنیا نیوز) وزیراعظم عمران خان نے نیشنل فوڈ سیکیورٹی کو اصل خطرہ قرار دیتے ہوئے کہا ہے کہ ہمیں ابھی سے اس سے نمٹنے کیلئے تیاری شروع کرنا ہوگی۔

اسلام آباد میں کسان کنونشن سے خطاب میں وزیراعظم کا کہنا تھا کہ جس قوم کو صیح معنوں میں غذا نہ ملے وہ ترقی نہیں کر سکتی، آنے والے وقت سے بچنے کے لیے آج سے ہم نے قدم اٹھانے ہیں۔ اس کانفرنس کا مقصد کسانوں کو صحیح سمت دینا ہے۔

وزیراعظم کا کہنا تھا کہ مدینہ کی ریاست میں سب سے پہلے نچلے طبقے کی مدد کی گئی جبکہ چین نے 35 سالوں میں 70 کروڑ لوگوں کو پہلے غربت سے نکالا، چین نے اپنے ملک کواٹھانے کے لیے چھوٹے کسانوں کی مدد کی، ہمیں بھی 74 سال پہلے اپنے چھوٹے کسانوں کی مدد کرنی چاہیے تھی۔

عمران خان نے کہا آزادی کے بعد حکمرانوں نے سب کو ترقی میں شامل نہیں کیا۔ امیر اور غریب کے لیے تعلیم کا الگ الگ نظام ہے۔ سرکاری ہسپتال پیچھے اور پرائیوٹ ہسپتال بہتر ہو گئے۔ انصاف کا نظام ایسا ہے کہ مہنگے وکیل کرو تو انصاف ہے۔

ان کا کہنا تھا کہ پاکستان میں ہر جگہ کمزور آدمی نے مار کھائی، سسٹم نے ہر جگہ غریب کو پیچھے چھوڑ دیا۔ ساری مراعات چھوٹے سے طبقے کے لیے ہے لیکن ہم نے اپنی قوم کو مسائل سے بچانا ہے۔

انہوں نے کہا کہ خالص دودھ کا بھی مسئلہ ہے، بچوں کو پوری غذا نہ ملنا بہت خوفناک ہے۔ پاکستان میں کبھی گائے اور بھینس کی جینز بارے سوچا ہی نہیں گیا۔