راولپنڈی: (دنیا نیوز) سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ جب ججز آبدیدہ ہوں گے تو لوگ اپنا رونا کہاں روئیں گے، آئین و قانون اور عدلیہ کے فیصلوں کی بے توقیری ہو رہی ہے۔
سماجی رابطے کی ویب سائٹ ٹوئٹر پر شیخ رشید احمد کا کہنا تھا کہ پڑھے لکھے لوگوں کو بے گناہ گرفتار کیا جا رہا ہے، جب یہ پڑھا لکھا نوجوان باہر نکلے گا ملک چھوڑ جائے گا یا انتہا پسندوں کے ہتھے چڑھ جائےگا، عدالتیں ہی انہیں قانونی معاشرے کا حصہ بنا سکتی ہیں، راستہ عدالتوں سے ہی نکلے گا۔
آئین وقانون اورعدلیہ کےفیصلوں کی بےتوقیری ہورہی ہےصرف کورٹ کےاندرسے ہی گرفتارنہیں کیاجارہا بلکہ ضمانت ہونےپردوسرے کیس یادوسرےصوبےکی پولیس گرفتارکرلیتی ہےججز کہہ رہےہیں کےہمارےفیصلوں کی تذلیل ہورہی ہےآئین کےساتھ جسطرح مذاق ہورہاہے ایساطرزعمل غیر آئینی حکومت میں بھی نہیں دیکھاگیا
— Sheikh Rashid Ahmed (@ShkhRasheed) May 20, 2023
سابق وفاقی وزیر نے کہا کہ جب ججز آبدیدہ ہوں گے تو لوگ اپنا رونا کہاں روئیں گے، آئین و قانون اور عدلیہ کے فیصلوں کی بے توقیری ہو رہی ہے، ججز کہہ رہے ہیں کہ ہمارے فیصلوں کی تذلیل ہو رہی ہے، آئین کیساتھ جس طرح مذاق ہو رہا ہے ایسا طرزعمل غیر آئینی حکومت میں بھی نہیں دیکھا گیا۔
جیلوں کی بات چھوڑیں درجنوں پڑھےلکھےبےگناہ تھانوں میں بند ہیں جب یہ پڑھالکھانوجوان باہرنکلےگاملک چھوڑجائےگایاانتہا پسندوں کےہتھےچڑھ جائےگاعدالتیں ہی انہیں قانونی معاشرےکاحصہ بناسکتی ہیں راستہ عدالتوں سے ہی نکلےگاسپیکر72 MNAکوکبھی اسمبلی نہیں آنےدےگاعدلیہ کےفیصلے کی نافرمانی کرےگا
— Sheikh Rashid Ahmed (@ShkhRasheed) May 20, 2023
ان کا کہنا تھا کہ صرف کورٹ کے اندر سے ہی گرفتار نہیں کیا جا رہا بلکہ ضمانت ہونے پر دوسرے کیس یا دوسرے صوبے کی پولیس گرفتار کر لیتی ہے، سپیکر 72 ارکان قومی اسمبلی کو کبھی اسمبلی نہیں آنے دے گا بلکہ عدلیہ کے فیصلے کی نافرمانی کرے گا۔
سربراہ عوامی مسلم لیگ نے مزید کہا کہ ڈالر 302 کا ہوگیا، آئی ایم ایف سے کٹی ہوگئی، خیالی بجٹ اور عدالتی فیصلوں سے فراری ڈار مزید تباہی پھیلائے گا۔
