لاہور: (دنیا نیوز) پنجاب اور اسلام آباد کے صارفین کو 14 روپے فی یونٹ ریلیف کے لئے بجلی کمپنیوں کو باضابطہ خطوط بجھوا دیئے۔
ترجمان پنجاب حکومت کے مطابق وزیراعلیٰ پنجاب مریم نوازشریف کی ہدایت پر 5 بجلی کمپنیوں کو خطوط بھجوائے، سیکرٹری توانائی پنجاب ڈاکٹر نعیم رؤف کی جانب سے اسلام آباد، لاہور، گوجرانوالہ، فیصل آباد اور ملتان کی ڈسکوز کو خطوط بھجوائے گئے ہیں۔
یہ بھی پڑھیں: پنجاب میں بجلی 14 روپے سستی، 200 یونٹ والے صارفین ریلیف سے محروم
ترجمان کے مطابق خط کے متن میں کہا گیا کہ 14 روپے فی یونٹ کمی کے حکومتی پیکیج کی رقم سے آگاہ کیا جائے، آئیسکو، میپکو، گیپکو، فیسکو، لیسکو 201 سے 500 یونٹ استعمال کرنے والے شہریوں کے بجلی بلوں میں کمی کریں گی، بجلی کی اصل لاگت اور ریلیف کے درمیان رقم پنجاب حکومت ادا کرے گی۔
بجلی کمپنیوں کی جانب سے تقاضے پر پنجاب حکومت مطلوبہ رقم ڈسکوز کو منتقل کر دے گی، مسلم لیگ (ن) کے صدر محمد نوازشریف نے وزیراعلیٰ مریم نوازشریف کے ہمراہ 16 اگست کو 14 روپے فی یونٹ بجلی میں کمی کا اعلان کیا تھا۔
پنجاب اور اسلام آباد کے عوام کو ریلیف دینے کے لئے پنجاب حکومت 45 ارب روپے اپنے وسائل سے فراہم کرے گی، ریلیف پیکیج کے تحت اگست اور ستمبر کے دو ماہ میں 201 سے 500 یونٹ استعمال کرنے والوں کے لئے بجلی کی قیمت کم کی گئی ہے۔
