لاہور: (دنیا نیوز) لاہور سمیت پنجاب کے مختلف اضلاع میں ہونے والی مون سون بارشوں بارے پی ڈی ایم اے نے رپورٹ جاری کر دی۔
پی ڈی ایم اے کی رپورٹ کے مطابق ضلع لیہ میں سب سے زیادہ بارش 37 ملی میٹر ریکارڈ کی گئی، کوٹ ادو میں 31، ڈیرہ غازی خان 29 اور بھکر میں 23 ملی میٹر ریکارڈ کی گئی۔
اس کے علاوہ میانوالی 8، لاہور7، نارووال میں 6، قصور میں 3، منڈی بہاؤالدین 2 اور ملتان میں 1 ملی میٹر تک بارش ریکارڈ ہوئی۔
ترجمان پی ڈی ایم اے کے مطابق سیالکوٹ، منگلا، ٹوبہ ٹیک سنگھ، گجرات، بہاولنگر، ساہیوال، بہاولپور اور گوجرانوالہ میں بھی بارش ریکارڈ کی گئی۔
پی ڈی ایم اے ترجمان کا کہنا ہے کہ مون سون بارشوں کا یہ سلسلہ 10 جولائی تک جاری رہنے کا امکان ہے، آئندہ 24 گھنٹوں میں پنجاب کے بیشتر علاقوں میں شدید مون سون بارشیں متوقع ہیں۔
