لاہور: (دنیا نیوز) طوفانی بارشوں اور سیلابی صورتحال کے پیش نظر پنجاب میں رین ایمرجنسی نافذ کر دی گئی۔
سماجی رابطے کی ویب سائٹ ایکس پر اپنے پیغام میں وزیراعلیٰ پنجاب مریم نواز نے کہا کہ طوفانی بارشوں اور سیلابی صورتحال پر پنجاب کے مختلف علاقوں میں رین ایمرجنسی نافذ کر دی ہے۔
— Maryam Nawaz Sharif (@MaryamNSharif) July 17, 2025
ان کا کہنا تھا کہ سرکاری ادارے جذبے اور انتھک محنت سے کام کر رہے ہیں، انتظامیہ کو سائرن اور اعلانات کے ذریعے عوام کو آگاہ رکھنے کی ہدایت کی ہے۔
مریم نواز نے عوام سے اپیل کی کہ اداروں سے مکمل تعاون اور حفاظتی ہدایات پر عمل کریں، عوام کے جان و مال کا تحفظ اولین ترجیح ہے۔
