لاہور:(دنیا نیوز) پنجاب اسمبلی میں سینیٹ انتخابات کےلئے وزیرِ اعظم کے مشیررانا ثناء اللہ اور سابق سینیٹراعجاز چودھری کی اہلیہ سلمیٰ اعجازکے کاغذات کی سکروٹنی کا عمل مکمل ہونے کے بعد کاغذات نامزدگی منظور کرلئے گئے۔
کاغذات نامزدگی کی جانچ پڑتال کے لیے رانا ثناء اللہ الیکشن کمیشن لاہور کے دفتر پہنچے جہاں اُن کے کاغذات نامزدگی کی سکروٹنی کے بعد کاغذات نامزدگی منظور کرلئے گئے۔
اِس موقع پر مسلم لیگ ن کے رکن پنجاب اسمبلی ملک خالد کھوکر سمیت دیگرارکان اوروکلا موجود تھے، دوسری جانب پی ٹی آئی رہنما اعجاز چودھری کی اہلیہ کے کاغذات نامزدگی جانِچ پڑتال کے بعد منظور کر لئے گئے۔
سکروٹنی کے موقع پر پارلیمانی لیڈرپنجاب اسمبلی علی امتیاز وڑائچ بھی موجود تھے،ریٹرننگ آفیسرآج تمام امیدواروں کے کاغذات نامزدگی کی سکروٹنی کاعمل مکمل کرلیا، نوستمبر کو سینیٹ کی جنرل نشست پرضمنی الیکشن ہوگا۔
واضح رہے نو مئی کے مقدمات میں سزا ہونے پر سینیٹ کی پنجاب میں جنرل نشست پی ٹی آئی رہنما اعجاز چودھری کی نااہلی کے باعث خالی ہوئی تھی۔
