اسلام آباد: (دنیا نیوز) فیڈرل بورڈ آف انٹرمیڈیٹ اینڈ سیکنڈری ایجوکیشن نے انٹرمیڈیٹ پارٹ ون اور ٹو کے سالانہ نتائج کا اعلان کر دیا جن میں ایک بار پھر پنجاب گروپ آف کالجز نے میدان مار لیا۔
امتحانات میں مجموعی طور پر ایک لاکھ 97 ہزار طلبہ و طالبات نے حصہ لیا جن کی کامیابی کا تناسب 83.19 فیصد رہا، لڑکیوں کی کامیابی کی شرح 88.91 فیصد جبکہ لڑکوں کی 75.80 فیصد رہی۔
نمایاں پوزیشن ہولڈرز
کامرس گروپ: پہلی تینوں پوزیشنز پنجاب کالج ہل ہاؤس کی طالبات نے حاصل کیں، جنت نذیر نے 1025 نمبر کے ساتھ پہلی، شائزا منظور نے 1020 نمبر کے ساتھ دوسری اور زینب وقار نے 1013 نمبر کے ساتھ تیسری پوزیشن حاصل کی۔
پری میڈیکل گروپ: علینہ طاہر کی پہلی جبکہ دوسری پوزیشن دی سکالر سائنس کالج کی وردہ سرفراز نے 1070 نمبر کے ساتھ حاصل کی، پری میڈیکل میں تیسری پوزیشن اے پی ایس گوجرانوالہ اور رسول ڈی کی دو طالبات عروہ ملک اور مناہل مرتضیٰ نے حاصل کی۔
پری انجینئرنگ گروپ: پری انجینئرنگ میں دی سکالر سائنس کالج کے مزمل ساجد نے 1063 نمبر لیکر پہلی پوزیشن حاصل کی، پری انجینئرنگ میں کپس کالج کے محمد سمیع نے 1059 نمبر لیکر دوسری جبکہ عائشہ نعیم نے 1054 نمبر لیکر تیسری پوزیشن اپنے نام کی۔
جنرل سائنس گروپ: اے پی سی کے زیام روہاب نے 1056 نمبر کے ساتھ پہلی پوزیشن حاصل کی، پنجاب کالج کیمپس ہل ہاؤس کی عائشہ زیدی نے 1055 نمبر کے ساتھ دوسری اور حلیمہ زوہیب نے 1053 نمبر کے ساتھ تیسری پوزیشن حاصل کی۔
ہیومینٹیز گروپ: دینہ جان نے 986 نمبر کے ساتھ پہلی جبکہ پنجاب کالج ہل ہاؤس کی زوہا نے 981 نمبر کے ساتھ دوسری پوزیشن حاصل کی۔
