اسلام آباد: (دنیا نیوز) نیشنل ڈیزاسٹر مینجمنٹ اتھارٹی (این ڈی ایم اے ) نے بارشوں اور سیلاب سے ہونے والے نقصانات کی تازہ رپورٹ جاری کر دی۔
رپورٹ کے مطابق طوفانی بارشوں اور سیلاب کے باعث 26 جون سے اب تک 802 افراد جاں بحق، 1088 زخمی ہوئے۔
این ڈی ایم اے کے مطابق سب سے زیادہ خیبر پختونخوا میں 479 افراد جاں بحق اور 347 زخمی ہوئے۔
رپورٹ کے مطابق پنجاب میں 165 افراد جاں بحق اور 584 زخمی ہوئے، سندھ میں 57 افراد جاں بحق اور 75 زخمی ہوئے۔
این ڈی ایم اے کے مطابق بلوچستان میں 24 افراد جاں بحق اور 5 زخمی ہوئے، گلگت بلتستان میں 45 افراد جاں بحق اور 45 زخمی ہوئے۔
رپورٹ میں بتایا گیا کہ بارشوں، سیلاب سے آزاد کشمیر میں 24 افراد جاں بحق اور 29 زخمی ہوئے، اسلام آباد میں 8 افراد جاں بحق اور 3 زخمی ہوئے۔
این ڈی ایم اے کی رپورٹ کے مطابق شدید بارشوں اور سیلاب سے اب تک 7 ہزار 465 مکانات کو نقصان پہنچا، سیلاب میں 5 ہزار 584 مویشی بہہ گئے۔
