پشاور: (دنیا نیوز) وزیراعلیٰ خیبرپختونخوا علی امین گنڈاپور نے پنجاب میں سیلاب سے نقصانات پر اظہار افسوس کیا۔
وزیراعلیٰ خیبر پختونخوا علی امین گنڈا پور نے کہا کہ پنجاب میں سیلابی تباہ کاریاں باعث افسوس ہیں، سیلاب سے ہونے والے نقصانات پر دلی دکھ ہے، پنجاب کے عوام کی تکلیف ہماری تکلیف ہے، متاثرہ خاندانوں کے غم میں برابر کے شریک ہیں۔
علی امین گنڈا پور نے کہا کہ خیبرپختونخوا حکومت پنجاب کے بھائیوں کے ساتھ کھڑی ہے، جہاں ضرورت پڑی خیبرپختونخوا حکومت بھرپور تعاون کرے گی۔
