لاہور: (دنیا نیوز) ڈائریکٹر جنرل پی ڈی ایم اے عرفان علی کاٹھیا نے کہا کہ شاہدرہ کے مقام پر پانی کا دباؤ برقرار ہے، اگلے 4 سے 6 گھنٹے پانی کا دباؤ رہنے کی توقع ہے۔
ڈی جی پی ڈی ایم اے عرفان کاٹھیا کا کہنا تھا کہ کچھ سوسائٹیز میں پانی آیا ہے کوئی جانی نقصان نہیں ہوا، ضلعی انتظامیہ پوری طرح متحرک ہے۔
عرفان کاٹھیا نے مزید کہا کہ 26 اگست پنجاب کے لیےمشکل ترین دن تھا، دریائے راوی میں پانی کا بہاؤ تیز ہے، اس وقت چنیوٹ بریج سے ساڑھے 5 لاکھ کیوسک کا ریلا گزر رہا ہے۔
ڈی جی پی ڈی ایم اے نے کہا کہ وقت آگیا ہے، پانی کی گزرگاہوں پرتمام راستوں کو خالی کرانا ہوگا، کلائمٹ چینج ایک حقیقت ہے، اس کے مطابق چیزوں کوبہترکرنا ہوگا۔
