برلن: (ویب ڈیسک) جرمنی میں قائم پاکستانی ایمبیسی کے اندر ایک فٹبال انکلیو قائم کر دیا گیا ہے جس کا مقصد پاکستان میں اس کھیل کو فروغ دینے کیلئے آگاہی بڑھانا ہے۔
اس فٹبال انکلیو کا افتتاح جرمنی کے دورے پر گئے پاکستانی وزیر خارجہ شاہ محمود قریشی نے کیا۔ غیر ملکی خبر رساں ادارے کے مطابق جرمنی میں ہر سال تقریباً پچاس لاکھ سے زائد فٹبال پاکستان سے بھیجے جاتے ہیں۔
امید کی جا رہی ہے کہ جرمنی میں تعینات پاکستانی سفیر ڈاکٹر فیصل نے پاکستانی کھیلوں کی مصنوعات کی برآمدات کیلئے بہت کوششیں کی ہیں، ان کی حالیہ کاوش سے پاکستان کو اس صنعت میں خاطر خواہ اضافہ ہونے کی امید ہے۔
Great to visit our embassy in Germany. With over 50M footballs imported from to annually, happy to launch a football enclave at the emb. ‘Arzi Nawees’ has also been appointed to aid with online application forms for those in need, gratis. pic.twitter.com/Gxg8CcEzOC
— Shah Mahmood Qureshi (@SMQureshiPTI) April 13, 2021
خیال رہے کہ ناصرف جرمنی بلکہ یورپ اور دنیا کے دیگر ممالک میں بھی پاکستان کے اندر تیار ہونے والے فٹبالز اپنے معیار اور پائیداری کی وجہ سے مشہور ہیں۔
پاکستانی سفارتخانے میں بنائے گئے انکلیو میں فٹبال کے نمونے، ان کی تاریخ اور پروڈکشن کے مختلف مراحل کو عیاں کیا گیا ہے جس سے فٹبال خریدنے والے پاکستان کی پروڈکٹ کے معیار اور پرفارمنس کو سمجھ سکیں۔
