لندن ( سپورٹس ڈیسک ) انگلش پریمیئر فٹ بال لیگ ( ای پی ایل ) کے 124 ویں ایڈیشن کے دلچسپ مقابلوں کا سلسلہ انگلینڈ میں جاری ہے ، ایونٹ میں آج مزید 8 میچز کھیلے جائیں گے۔
ٹورنامنٹ میں آج کھیلے جانے والے پہلے میچ میں مانچسٹر یونائیٹڈ اور ایورٹن کی ٹیمیں اولڈ ٹریفورڈ،مانچسٹر کے مقام پر نبرد آزما ہوں گی جبکہ دوسرا میچ آسٹن ولا اور نوٹنگھم فاریسٹ کی ٹیموں کے درمیان ولا پارک، برمنگھم میں کھیلا جائے گا۔
تیسرے میچ میں برینٹ فورڈ اور نیوکیسل یونائیٹڈ کی ٹیمیں برینٹ فورڈ کے مقام پر آمنے سامنے ہوں گی جبکہ چوتھا میچ فلہم اور ویسٹ ہیم یونائیٹڈکی ٹیموں کے درمیان لندن میں کھیلا جائے گا اور پانچویں میچ میں لیسٹر سٹی اور بورن ماؤتھ کی ٹیمیں لیسٹرکے مقام پر پنجہ آزمائی کریں گی ۔
چھٹے میچ میں ٹوٹنہم ہاٹ پور کا مقابلہ برائٹن اینڈ ہوو البیون سے ٹوٹنہم ہاٹ پور سٹیڈیم، لندن میں ہوگا جبکہ ساتواں میچ وولور ہیمپٹن اور چیلسی کی ٹیموں کے درمیان وولور ہیمپٹن میں کھیلا جائے گا اور آٹھواں میچ ساؤتھمپٹن اور دفاعی چیمپئن مانچسٹر سٹی کے درمیان سینٹ میری سٹیڈیم، ساؤتھمپٹن میں کھیلا جائے گا۔
