کھٹمنڈو :(دنیا نیوز) برطانوی نژاد پاکستانی کوہ پیما نادیہ آزاد نے ماؤنٹ مناسلو سر کر لی۔
8 ہزار 163 میٹر بلند مناسلو دنیا کی آٹھویں بلند ترین چوٹی ہے، نادیہ آزاد آج صبح 5 بجے نیپال میں واقع مناسلو کی چوٹی کے ٹاپ پر پہنچیں، اِس سے قبل وہ ماؤنٹ اناپورنا، ایوریسٹ اور لوٹسے کو سر کر چکی ہیں۔
نادیہ آزاد 8 ہزار میٹر سے بلند 4 چوٹیاں سر کرنے والی دوسری پاکستانی خاتون ہیں، وہ اس کے علاوہ سیون سمٹس کا سلسلہ بھی سر کر چکی ہیں، وہ کوہ پیمائی کے ساتھ میراتھون رنر بھی ہیں اور اکتوبر میں شکاگو میراتھون میں بھی حصہ لیں گی۔
واضح رہے برطانوی نژاد پاکستانی نادیہ اس سے قبل نیو یارک، برلن اور لندن میرا تھون مکمل کرچکی ہیں۔
