ٹیکساس: (دنیا نیوز) سپیس ایکس اور ٹیسلا کے مالک ایلون مسک نے اپنی یونیورسٹی کھولنے کی خواہش کا اظہار کیا ہے جس کے لیے 10 کروڑ ڈالر کا فنڈ مختص کیا ہے۔
غیر ملکی میڈیا کی رپورٹ کے مطابق ایلون مسک ایک ایسی یونیورسٹی قائم کرنے جا رہے ہیں جہاں ذہین طلباء کے تعلیم کے حصول میں پیسہ رکاوٹ نہ ہو، ابتدائی مرحلے میں وہ امریکی ریاست ٹیکساس میں ایک سکول کھولیں گے۔
اس سکول کا نصاب جہاں روایتی مضامین کا احاطہ کرے گا وہیں غیر روایتی طریقہ تعلیم پر بھی مشتمل ہوگا، اسی سکول کو بعد میں یونیورسٹی کا درجہ دیا جائے گا۔
سکول کے قیام کے لیے ایلون مسک نے اپنی فاؤنڈیشن کو 10 کروڑ ڈالر کا عطیہ دیا ہے اور یہ بات ان کے ٹیکس گوشواروں سے ثابت ہوئی ہے، ایلون مسک جلد ہی اپنے اس نئے پروجیکٹ سے متعلق آگاہ کریں گے۔
