کراچی: (دنیا نیوز) سپارکو کل 19 اکتوبر کو پاکستان کا پہلا ہائپرسپیکٹرل سیٹلائٹ 'HS-1' خلا میں بھیجنے کے لیے تیار ہے۔
ترجمان سپارکور کے مطابق سیٹلائٹ چین سے خلا میں روانہ کیا جائے گا، پاکستانی سائنس دانوں اور انجینئرز کی موجودگی میں لانچ کی تیاریاں آخری مراحل میں ہیں۔
ہائپرسپیکٹرل سیٹلائٹ سیلاب، لینڈ سلائیڈز اور دیگر قدرتی آفات کی پیشگوئی میں مدد دے گا، یہ سیٹلائٹ ماحولیاتی تبدیلیوں اور ارضیاتی خطرات کی بروقت نگرانی میں معاون ثابت ہوگا۔
ترجمان سپارکو کے مطابق ایچ ایس -ون انفرا سٹرکچر میپنگ اور شہری منصوبہ بندی کے لیے نئی راہیں کھولے گا۔
پاکستان کا یہ مشن قومی خلائی پالیسی اور وژن 2047 کا ایک اہم سنگِ میل ہے، سال 2025 میں خلا میں بھیجا جانے والا یہ پاکستان کا تیسرا سیٹلائٹ ہوگا۔
ترجمان سپارکو کے مطابق اس سے قبل EO-1 (جنوری 2025) اور KS-1 (جولائی 2025) کامیابی سے خلا میں بھیجے جا چکے ہیں، دونوں سیٹلائٹس اس وقت مکمل طور پر فعال ہیں۔
پاکستان کا خلائی پروگرام جدید ٹیکنالوجی اور ایپلی کیشنز کے نئے دور میں داخل ہو رہا ہے۔
