لاہور: (روزنامہ دنیا) دنیا کے کچھ ممالک میں جہاں سرد موسم جاری ہے وہیں کچھ ممالک میں موسم بہار کا آغاز ہو گیا ہے۔ امریکی ریاست کیلیفورنیا کے جنوبی حصے میں بھی اس وقت ہر طرف پھولوں کی بہار چھائی ہوئی ہے۔
کیلیفورنیا میں گزشتہ دنوں تیز بارشوں کے بعد موسم نے کروٹ لی اور ہر طرف جیسے سبز قالین بچھ گیا وہیں خوبصورت پھول بھی کھل اُٹھے۔ لاکھوں پھولوں نے شہر کی خوبصورتی میں اضافہ کردیا ہے اور فضا معطر ہو گئی ہے۔
جھیل کے اطراف پہاڑوں پر لاکھوں پھولوں سے سجے خوبصورت منظر نے لوگوں کو اپنے سحر میں جکڑ لیا اور جسے دیکھنے کیلئے لوگوں کی بڑی تعداد یہاں کا رخ کر رہی ہے اور اس خوبصورت منظر کو اپنے کیمرے میں قید کر کے خوب لطف اندوز ہو رہی ہے۔
