واشنگٹن: (روزنامہ دنیا) مشہورِ زمانہ ہالی وڈ سائنس فکشن ایکشن فلم سیریز ٹرمینیٹر کے دیوانے تو بہت ہیں لیکن امریکی فنکار کے کیا ہی کہنے کہ جس نے ٹرمینیٹر کی نئی سیریزکی ریلیز پر آرٹ کا شاہکار پیش کیا ہے۔
میڈیا رپورٹ کے مطابق نیویارک میں مارک پاؤل ڈیرین نامی فنکار نے کئی فٹ لمبی اور چوڑی دیوار کو کینوس بنایا اور پھر دیوار کو ٹرمینیٹر سلسلے کی نئی فلم ٹرمینیٹر، ڈارک فیٹ کے رنگ میں ڈھال دیا۔
واضح رہے ایکشن اور ایڈونچر سے بھرپور یہ سائنس فکشن فلم یکم نومبر کو دنیا بھر میں ریلیز کی گئی تھی جسے شائقین بے حد پسندکر رہے ہیں اور فلم خوب بزنس کر رہی ہے ۔
