ریاض: (روزنامہ دنیا) فراغت سے اکتا کر ٹشو پیپر پر تصاویر بنانے والا اپنے فن میں یکتا ہو گیا، ایسے ایسے شاندار سکیچ بناتا ہے کہ لوگ داد دیئے بغیر نہیں رہ سکتے۔
میڈیا رپورٹ کے مطابق نازک ٹشو پیپرز پر قلم اور ہاتھ کی حیرت انگیز صفائی سے خوبصورت تصاویر تخلیق کرنے والے سعودی نوجوان عبد اللہ الحامد نے کبھی کوئی پینٹنگ نہیں بنائی تھی اور اب بھی وہ یہ کام صرف اپنے شوق کی تسکین کیلئے کرتے ہیں۔
عبداللہ الحامد نے ایک ٹی وی انٹرویو میں بتایاکہ ایک بار فارغ بیٹھے ہوئے مجھے ٹشو پیپرز پر تصاویر بنانے کا خیال آیا۔ پہلی کامیابی یوں دل کو بھائی کہ اب جب بھی کسی کیفے یا ویٹنگ ایریا میں انتظار کی گھڑیاں کاٹنی ہوں تو ٹشو پیپر پر تصاویر بنانے لگتا ہوں اور مسلسل پریکٹس کے بعد اپنے کام میں ماہر ہو چکا ہوں۔
