مالیبو: (روزنامہ دنیا) امریکی ریاست کیلیفورنیا کے نوجوان نے اپنی شادی کے دن کو یادگار بنانے کیلئے چڑیا گھر میں فوٹو شوٹ کروایا جو اسے مہنگا پڑ گیا۔
میڈیا رپورٹ کے مطابق نوجوان نے فوٹو شوٹ کیلی فورنیا کے علاقے مالیبو میں واقع سیڈل راک رنچ چڑیا گھر میں کروایا، چونکہ دوسری طرف جال لگا ہوا تھا اس لیے دلہا اور دلہن بے فکری کے ساتھ تصویریں بنوانے میں مگن تھے۔
زرافے نے جال کے دوسری طرف سے گردن جھکا کر دلہا کی ثقافتی پگڑی کو منہ میں دبایا اور وہ کھڑا ہو گیا۔ اس پورے واقعے کی ویڈیو سوشل میڈیا پر شیئر ہوئی جسے دیکھ کر صارفین بہت زیادہ محظوظ ہوئے ، کئی لوگوں نے دیگر نوجوانوں کو مشورہ دیا کہ وہ چڑیا گھر جانے سے محتاط رہیں۔
