واشنگٹن: (روزنامہ دنیا) امریکی ریاست فلوریڈا میں دو خوفناک مگرمچھ لڑتے ہوئے ایک گھر کے دروازے تک پہنچ گئے جس سے مکین شدید خوفزدہ ہو گئے۔
میڈیا رپورٹ کے مطابق امریکی خاتون نے گھر کے مین دروازے پر دو مگر مچھوں کے لڑنے کا بتا کر حکام کو حیران کر دیا، خاتون کا کہنا تھا کہ وہ اپنے خاوند کے ہمراہ گھر میں تھی کہ اچانک دروازے پر کچھ بہت زور سے ٹکرانے کی آوازیں آئیں۔
سوئی گیسل نے بتایا کہ شور شرابے کی آوازیں بہت خوفناک تھیں جیسے کوئی بہت شدت سے جھگڑ رہا ہو۔ شور شرابا زیادہ بڑھا تو انہوں نے دیکھا کہ باہر حقیقت میں دو خوفناک مگرمچھ آپس میں بری طرح لڑرہے تھے۔ دونوں مگرمچھ بیس منٹ تک لڑتے رہے پھر خود ہی چلے گئے۔
