سیتا پور: (ویب ڈیسک) بھارتی میں ایک شوہر نے اپنی بیوی سے متعلق دعویٰ کر کے سب کو حیرت میں مبتلا کر دیا۔
انڈین میڈیا کے مطابق بھارت کی ریاست اتر پردیش کی تحصیل محمود آباد کے گاؤں لودھاسا کے رہائشی مراج نے سیتا پور کے ضلعی مجسٹریٹ سے ایک غیر معمولی شکایت کیلئے رجوع کیا، شکایت کنندہ نے ضلعی مجسٹریٹ میں دعویٰ کیا کہ اس کی بیوی رات کو سانپ بن جاتی ہے جس کے خوف کی وجہ سے وہ سو نہیں پاتا۔
اس نے 4 اکتوبر کو عوامی شکایات کے ازالے کے دن ضلعی مجسٹریٹ ابھیشیک آنند کے سامنے اپنا حیران کن بیان دیا تھا۔
شوہر نے الزام لگایا کہ اس کی بیوی نسیمن کا ذہنی توازن درست نہیں ہے اور وہ راتوں کو سانپ بننے کا ڈرامہ کرتی ہے، سیٹیاں بجاتی اور مجھے ڈراتی ہے، اس کی بارہا درخواستوں کے باوجود پولیس نے اس معاملے میں کوئی کارروائی نہیں کی جسکی وجہ سے مجھے ضلعی انتظامیہ سے مدد مانگنا پڑی۔
حکام اس غیر معمولی شکایت پر حیران ہیں جبکہ ضلعی مجسٹریٹ نے پولیس کو ہدایت دی کہ وہ اس معاملے کی تحقیقات اور مناسب کارروائی کریں۔
ایک پولیس اہلکار نے کہا کہ ہمیں شکایت موصول ہوئی ہے اور معاملہ زیر تفتیش ہے۔
