مودی سرکار کے راج میں انتہا پسند ہندو بے لگام، مسلم مخالف زہریلا پروپیگنڈا شدت سے جاری
نئی دہلی: (دنیا نیوز) بھارت میں مسلم دشمنی کا نیا واقعہ، وشوا ہندو پریشد کے رکن نے بھارتی مسلمانوں کو جہادی قرار دے کر آن لائن ٹیکسی کی بکنگ کینسل کر دی۔
مودی سرکار کے راج میں انتہا پسند ہندو بے لگام ہو گئے، جنونی ہندو تنظیموں کے کارکنوں کا مسلم مخالف زہریلا پروپیگنڈا شدت سے جاری ہے۔ بھارتی میڈیا کے مطابق وشو ہندو پریشد کے رکن ابھیشیک مشرا نے آن لائن ٹیکسی بک کرائی اور جب یہ ریکوئسٹ ایک مسلمان ڈرائیور کے پاس گئی تو انتہاپسند ہندو نے رائیڈ یہ کہہ کر منسوخ کردی کہ "میں جہادیوں کو اپنا پیسہ نہیں دیناچاہتا"۔
Cancelled @Olacabs Booking because Driver was Muslim. I don t want to give my money to Jihadi People. pic.twitter.com/1IIf4LlTZL
— Abhishek Mishra (@Abhishek_Mshra) April 20, 2018
انتہا پسند ہندو کی اس حرکت پر ٹوئٹر پر شدید تنقید کی جارہی ہے۔ صارفین کا کہنا ہے کہ اسے پٹرول خریدنا بھی بند کردینا چاہیے کیونکہ وہ مشرق وسطیٰ کے مسلمان ملکوں سے آتاہے۔ بہت سے صارفین نے آن لائن کمپنی سے ابھیشک کا اکاؤنٹ بند کرنے کی اپیل کی ہے۔
