اندور: (ویب ڈیسک) بھارت میں شوہر کو ہنی مون پر لیجا کر قتل کرنے والی سفاک بیوی کو آشنا سمیت گرفتار کر لیا گیا۔
مقامی میڈیا کی رپورٹس کے مطابق واقعہ مدھیہ پردیش کے شہر اندور میں پیش آیا جہاں مبینہ طور پر 25 سالہ سونم راگھوونشی نے 30 سالہ شوہر راجہ کے قتل کی منصوبہ بندی کی، ہنی مون کے دوران شوہر کو زہر دے کر موت کے گھاٹ اتارا۔
پولیس کے مطابق دلہن کا ایک دوست بھی اس سازش میں ملوث پایا گیا جسے گرفتار کر لیا گیا ہے، ابتدائی تحقیقات میں پتہ چلا کہ دلہن اپنے شوہر سے ناخوش تھی اور رشتہ ازدواج قائم نہیں کرنا چاہتی تھی۔
دُلہن اور اس کے آشنا راج کشواہا کے درمیان چیٹس کو بھی حکام نے ریکارڈ کا حصہ بنایا جس میں خاتون نے شوہر سے نفرت کا اظہار کیا تھا، ٹیکنِیکل اور فرانزک شواہد کی بنیاد پر دلہن اور اس کے ساتھی کو گرفتار کر کے مقدمہ دائر کر دیا گیا ہے اور عدالتی کارروائی جاری ہے۔
