لاہور: (ویب ڈیسک) ملک بھر میں رواں ہفتے کے دوسرے کاروباری روز کے دوران روپے کے مقابلے میں امریکی ڈالر کی قدر میں مزید 80 پیسے کا اضافہ ریکارڈ کیا گیا۔
تفصیلات کے مطابق ملک بھر میں امریکی ڈالر کی قدر میں مسلسل اضافہ دیکھنے کو مل رہا ہے، گراوٹ میں جاتے ہوئے روپیہ کی قدر کو ماہرین تشویش کی نظر دیکھ رہے ہیں، معاشی ماہرین کے مطابق آئندہ چند روز میں امریکی ڈالر کی قدر میں مزید گراوٹ دیکھنے کو مل سکتی ہے۔
اوپن مارکیٹ میں روپے کے مقابلے میں امریکی ڈالر کی قدر میں 80 پیسے کی بڑھوتری دیکھی گئی جس کے بعد امریکی کرنسی کی نئی قیمت 168 روپے 20 پیسے ہو گئی ہے۔
Interbank closing #ExchangeRate for today: https://t.co/cnuWCqOSPB pic.twitter.com/qgudmw1xUF
— SBP (@StateBank_Pak) August 4, 2020
دوسری طرف سٹیٹ بینک آف پاکستان کی طرف سے سماجی رابطے کی ویب سائٹ ٹویٹر پر جاری کردہ اعداد و شمار کے مطابق ملک بھر کے دوسرے کارباری روز کے دوران امریکی ڈالر کی قدر میں 18 پیسے کا اضافہ ریکارڈ کیا گیا۔ جس کے بعد روپے کے مقابلے میں امریکی کرنسی کی نئی قیمت 167.46 روپے سے بڑھ کر 167.64 روپے ہو گئی ہے۔
