لاہور: (ویب ڈیسک) ملک بھر میں رواں ہفتے کے دوسرے کاروباری روز کے دوران مسلسل دوسری مرتبہ روپے کے مقابلے میں امریکی ڈالر 56 پیسے مہنگا ہو گیا۔
تفصیلات کے مطابق ملک بھر میں گزشتہ دو ہفتوں کے دوران سے امریکی ڈالر کی قدر میں کمی دیکھنے کو مل رہی تھی جس کی سب سے بڑی وجہ عالمی مارکیٹ کو قرار دیا جا رہا تھا۔ تاہم رواں ہفتے کے دو کاروباری روز کے دوران امریکی ڈالر کی قدر میں بڑھوتری دیکھنے کو مل رہی ہے۔
رواں ہفتے کے دوسرے کاروباری روز کے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں روپے کے مقابلے میں امریکی کرنسی کی قدر 56 پیسے کا اضافہ دیکھا گیا جس کے بعد ڈالر کی قیمت 165 روپے 87 پیسے سے بڑھ کر 166 روپے 43 پیسے ہو گئی ہے۔
Interbank closing #ExchangeRate for today: https://t.co/nO4HnKj2zE pic.twitter.com/sYxy68sprt
— SBP (@StateBank_Pak) September 8, 2020
رواں ہفتے کے پہےل کاروباری روز کے دوران انٹر بینک میں امریکی ڈالر 10 پیسے مہنگا ہو گیا جس کے بعد روپے کے مقابلے میں امریکی کرنسی کی نئی قیمت 165 روپے 87 پیسے ہو گئی ہے۔
یاد رہے کہ گزشتہ ہفتے کے آخری کاروباری روز کے دوران ملک بھر میں روپے کے مقابلے میں امریکی ڈالر 165 روپے 77 پیسے کی سطح پر پہنچ کر بند ہوا تھا۔
