ابوظہبی: (دنیا نیوز) متحدہ عرب امارات کی سرزمین پر کھیلی جا رہی ٹی ٹونٹی سیریز کے پہلے میچ میں آسٹریلیا نے پاکستان کیخلاف ٹاس جیت کر پہلے فیلڈنگ کا فیصلہ کیا ہے۔
ابوظہبی کے میدان میں کھیلے جا رہے میچ میں آل راؤنڈر شعیب ملک کو شامل نہیں کیا گیا ہے جبکہ عماد وسیم رواں سال کا پہلا انٹرنیشنل میچ کھیل رہے ہیں۔
پاکستان کی جانب سے دیگر کھلاڑیوں میں فخر زمان، محمد حفیظ، بابر اعظم، آصف علی، حسین طلعت، فہیم اشرف، شاہین آفریدی، حسن علی اور شاداب خان شامل ہیں۔
پاکستان ٹیم گزشتہ 9 ٹی ٹونٹی سیریز سے ناقابل شکست ہے۔ پاکستان اور آسٹریلیا اب تک 17 ٹی ٹونٹی کھیل چکے ہیں، شاہین 9 اور کینگروز 7 میچز میں کامیاب رہے۔
ٹاس کے بعد میڈیا سے گفتگو میں قومی ٹیم کے کپتان سرفراز احمد کا کہنا تھا کہ ٹاس جیتتے تو پہلے بیٹنگ کا ہی فیصلہ کرتے تاہم پوری ٹیم جیت کیلئے پرجوش ہے۔
