لاہور: (دنیا نیوز) سوشل میڈیا پرقومی بلائنڈ کرکٹر کو بھی زندگی کا ساتھی مل گیا، فاسٹ باؤلر مجیب الرحمان کا امریکی خاتون سے نکاح بہاولپور میں ہوا۔
قومی بلائنڈ فاسٹ باؤلر مجیب الرحمان کی امریکی خاتون بریٹنی سے سوشل میڈیا پر دوستی ہوئی، بریٹنی نے 2016 میں اسلام قبول کیا۔ امریکی خاتون بھی بصارت سےمحروم ہیں، وہ شادی کیلئے بہاولپور پہنچیں، فاسٹ باؤلر مجیب الرحمان اور امریکی خاتون بریٹنی کی نکاح کی تقریب گذشتہ روز منعقد ہوئی۔
اس موقع پر دلہا مجیب الرحمن کی خوشی تو دیدنی تھی ہی ان کے گھر والے بھی دلہن کی نازبرداریوں میں مصروف نظر آئے۔
بلائنڈ کرکٹ کھلاڑیوں کی جانب سے مجیب الرحمن اور ان کی نئی نویلی دلہن کو مبارکباد کے پیغامات بھی بھجوائے گئے جن میں عروسی جوڑے کیلئے نیک تمناوں کا اظہار کیا گیا ہے۔
