لاہور:(روزنامہ دنیا) قومی کرکٹ ٹیم کے کپتان سرفراز احمد نے کہا ہے کہ اگر جنوبی افریقہ کیخلاف سیریز میں اچھی کارکردگی کا مظاہرہ نہیں کیا تو انہیں قیادت سے ہٹا دیا جائے گا۔
گزشتہ روزایک تقریب میں ان کا کہنا تھا کہ ٹیم کو آئندہ پرفارمنس دکھانا ہو گی کیونکہ اگر ایسا نہیں ہوا تو پھر ان کے پاس یہ آپشن نہیں ہو گا کہ وہ کپتانی سے دستبردار ہو جائیں بلکہ انہیں فارغ کر دیا جائے گا۔ انضمام الحق نے جن خامیوں کی نشاندہی کی اسے نہیں دہرائیں گے ، ٹیم میں شامل کھلاڑیوں کو اب غیر تجربہ کار نہیں کہہ سکتے ، زیادہ تر نے 10،10 ٹیسٹ میچ کھیل لئے ہیں ۔
