لاہور: (دنیا نیوز) پاکستان اور بنگلادیش کی ویمن کرکٹ ٹیموں کے درمیان سیریز کا دوسرا ٹی 20 میچ کل کھیلا جائے گا، قومی کھلاڑی ایک صفر کی برتری کے ساتھ میدان میں اتریں گی۔
لاہور میں دوسرے ٹی 20 کیلئے پاکستان اور بنگلادیش خواتین ٹیمیں کل صبح 10 بجے مدمقابل ہونگی، قذافی سٹیڈیم کے تاریخی میدان میں قومی ویمن کھلاڑیوں نے فاتحانہ انٹری ڈال دی، تین ٹی 20 میچز کی سیریز میں ہوم ٹیم کو ایک صفر کی برتری حاصل ہے، گذشتہ روز ٹیم پاکستان نے چودہ رنز سے فتح سمیٹی۔
بسمہ معروف شاندار آل راؤنڈ کارکردگی سے پلیئر آف دی میچ قرار پائی تھیں، ایک سو ستائیس رنز کے ہدف کا دفاع کرتے ہوئے مہمان بنگالی کھلاڑی مقررہ بیس اوور میں ایک سو بارہ رنز بنا سکی تھیں۔
