لاہور: (دنیا نیوز) آئی سی سی ایلیٹ پینل کے امپائر علیم ڈار آج ون ڈے میں بھی ریکارڈ ہولڈر بن جائیں گے۔
پاکستان اور زمبابوے کے درمیان سیریز کا دوسرا ون ڈے آئی سی سی امپائر علیم ڈار کے لیے تاریخ ساز بن جائے گا، باون سالہ علیم ڈار اس میچ میں بطور امپائر فرائض انجام دے کر ریکارڈ دو سو دسواں میچ آفیشیٹ کریں گے۔
اس سنگ میل کے ساتھ ہی وہ جنوبی افریقی روڈی کوئرٹزن کا اعزاز اپنے نام کر لیں گے، اس سے پہلے پاکستانی امپائر ٹیسٹ کرکٹ میں بھی سب سے زیادہ میچز میں امپائرنگ کرنے کے ریکارڈ پر قبضہ جما چکے ہیں۔
