ملیبرن: (دنیا نیوز) میلبرن کرکٹ کلب نے پاکستان کے سابق کپتان شاہد آفریدی کو تاحیات ممبرشپ دیدی ہے۔
ایم سی سی لارڈز کرکٹ سٹیڈیم لندن سے شاہد آفریدی کو ممبرشپ کارڈ موصول ہو گیا۔ شاہد آفریدی نے ایم سی سی کا شکریہ ادا کرتے ہوئے اسے اپنے لئے اعزاز قرار دیا ہے۔
سماجی رابطوں کی ویب سائٹ ٹویٹر پر جاری بیان میں شاہد آفریدی نے کہا کہ میں اس عزت افزائی پر دنیا کے سب سے معتبر کرکٹ کلب ایم سی سی کا تہہ دل سے شکریہ ادا کرتا ہوں۔ میں کرکٹ کے فروغ میں اپنا کردار ادا کرتا رہوں گا۔
A big honour to receive @MCCOfficial lifetime membership. I want to thank the most prestigious cricket club in the world for the respect and recognition. I would continue to play my part in promotion of this wonderful sport both on and off the cricket field. pic.twitter.com/AaRKKzLXQr
— Shahid Afridi (@SAfridiOfficial) May 4, 2021
خیال رہے کہ اس سے قبل 2017ء میں قومی کرکٹ ٹیم کے سابق کپتان مصباح الحق کو بھی میلبرن کرکٹ کلب نے تاحیات اعزازی ممبرشپ سے نوازا تھا۔
ان سے قبل ممبرشپ حاصل کرنے والوں میں سابق پاکستانی کپتان ظہیر عباس، عمران خان، وسیم اکرم، وقار یونس اور جاوید میانداد نمایاں ہیں۔ میلبرن کرکٹ کلب کی اعزازی ممبرشپ حاصل کرنے والے پاکستانی کرکٹر رمیز راجہ کو 2015ء میں اس اعزاز سے نوازا گیا تھا۔