لاہور: (ویب ڈیسک) بھارتی کرکٹ بورڈ نے ایشین کرکٹ کونسل (اے سی سی) کا اجلاس ڈھاکا میں رکھنے پر اعتراض اٹھاتے ہوئے کسی اور جگہ منتقل کرنے کا مطالبہ کر دیا۔
بھارتی میڈیا کے مطابق بی سی سی آئی نے اے سی سی کا اجلاس ڈھاکا سے منتقل کرنے کا لیٹر لکھا ہے جس میں موقف اپنایا ہے کہ بنگلا دیش کے سیاسی حالات کی وجہ سے بھارتی وفد کا ڈھاکا جانا مناسب نہیں، اے سی سی میٹنگ کسی دوسری جگہ منتقل نہ کی گئی تو بھارتی بورڈ میٹنگ سے دستبردار ہونے پر غور کر سکتا ہے۔
واضح رہے کہ ایشین کرکٹ کونسل کا اجلاس محسن نقوی کی صدارت میں 24 جولائی کو ڈھاکا میں ہونا ہے۔
اس سے قبل بھارتی بورڈ بنگلا دیش کے ساتھ باہمی سیریز بھی ملتوی کر چکا ہے، جس میں ان کا کہنا تھا کہ دونوں ممالک کے درمیان سیاسی تناؤ کے باعث بھارتی حکومت نے دورہ ملتوی کرنے کا کہا ہے۔
بھارت نے ایشیا کپ کے لئے 3 وینیوز دبئی، ابوظہبی اور شارجہ کا انتخاب کیا جس کے لئے حکومتی اجازت درکار ہے۔
