کراچی: (ویب ڈیسک) شہر قائد میں مدرسے کے قاری نے کمسن بچے کو وحشیانہ تشدد کا نشانہ بنا ڈالا، جس پر پولیس نے اُسے گرفتار کرلیا۔
میڈیا رپورٹ کے مطابق منگھوپیر پولیس نے مدرسے کے کمسن طالبعلم پر تشدد کرنے والے قاری کو گرفتار کرلیا، ترجمان ڈسٹرکٹ ویسٹ پولیس کے مطابق پولیس نے عزیز بروہی گوٹھ کے مدرسے میں 6 سالہ طالبعلم پر انسانیت سوز تشدد کرنے والے جلاد معلم کو گرفتار کرلیا جس کی شناخت اللہ بچایا ولد منظور احمد کے نام سے ہوئی ہے۔
پولیس نے مزید بتایا کہ گرفتار ملزم نے شدید تشدد کرتے ہوئے محنت کش کے معصوم اور کمسن طالبعلم کے سر کی ہڈی توڑ دی تھی جسے گرفتار کرکے مقدمہ درج کرلیا گیا ہے۔
