رحیم یار خان: (روزنامہ دنیا) ڈسٹرکٹ پریس کلب میں سربراہ عوامی مسلم لیگ شیخ رشید احمد کی پریس کانفرنس سے قبل اچانک سٹیج کی طرف جانیوالا نوجوان رقم مانگنے والا نکلا، صاف ستھرے کپڑوں میں ملبوس یہ نوجوان ماڈرن بھکاری تھا جو شیخ رشید سے ایک ہزار روپے کے نوٹ کا طلب گار تھا۔
نوجوان کے اچانک سٹیج کے قریب آنے پر پریس کلب انتظامیہ اور مہمانوں میں کھلبلی مچ گئی کہ نوجوان کہیں غیر اخلاقی حرکت نہ کر بیٹھے پریس کلب کے رکن نے اسے چند سو روپے کے نوٹ آگے بڑھاتے ہوئے دبوچ لیا اور پولیس کے حوالے کر دیا۔
