اسلام آباد: (دنیا نیوز) چیئرمین سی پیک اتھارٹی نے اپنی ٹویٹ میں بتایا ہے کہ ایکنک نے ایم ایل ون کی منظوری دیدی ہے، یہ منصوبہ چھ ارب ڈالر سے زائد میں مکمل کیا جائے گا۔
چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ نے کہا کہ پشاور سے کراچی تک ایک ہزار 872 کلومیٹر طویل ایم ایل ون منصوبہ ہے جبکہ اس کے علاوہ حویلیاں میں ڈرائی پورٹ اور والٹن اکیڈمی کو جدید بنانا بھی منصوبہ کا حصہ ہے۔
Update ML-1:Alhamdolillah, ECNEC has approved the transformational railway project at a cost of$ 6.806 Bn from Peshawar to Kci(1872 KMs) including Havelian Dry Port and upgrading Walton Academy . #cpec #CPECMakingProgress #pakistanmakingprogress
— Asim Saleem Bajwa (@AsimSBajwa) August 5, 2020
یہ بھی پڑھیں: تھر بلاک ٹو 330 میگاواٹ کے پاور پلانٹ پر کام بھرپور انداز میں جاری
خیال رہے کہ گزشتہ روز پاک چین اقتصادی راہداری (سی پیک) کے چیئرمین لیفٹیننٹ جنرل ریٹائرڈ عاصم سلیم باجوہ نے بتایا تھا کہ تھر بلاک ٹو میں 330 میگاواٹ کے ایک اور پاور پلانٹ پر کام بھرپور انداز میں جاری ہے۔
چیئرمین سی پیک اتھارٹی کا اپنی ٹویٹ میں کہنا تھا کہ حال ہی میں لانچ کردہ تھل نوا حبکو مشترکہ منصوبے میں 500 ملین ڈالر کی سرمایہ کاری ہوئی۔
Update:Thar Block-2,another 330 MW Power Plant,Thal Nova-HUBCO launched recently,Investment $ 500 M, local jobs 305 so far,financial close expected end September-project being pushed by Company’s own equity to prevent time loss. #cpec #CPECMakingProgress #pakistanmakingprogress pic.twitter.com/BGBXEHKqjL
— Asim Saleem Bajwa (@AsimSBajwa) August 4, 2020
انہوں نے بتایا کہ مقامی طور پر 305 افراد کو روزگار کے مواقع فراہم کئے گئے ہیں۔ سی پیک کے تحت اس منصوبے کا فنانشل کلوزنگ ستمبر میں متوقع ہے۔
خیال رہے کہ قومی اقتصادی کونسل کی ایگزیکٹو کمیٹی ایکنک نے ایم ایل ون منصوبہ کی منظوری دیدی ہے، جس کے تحت 2655 کلومیٹر کا ٹریک اپ گریڈ ہوگا۔ ریلوے کے ٹریک کو جلد از جلد اپ گریڈ کرنے کا کام تین پیکیجز میں کیا جائے گا۔ مسافر ٹرینیں 65 اور 110 کلومیٹر فی گھنٹہ سے بڑھ کر 160 کلومیٹر فی گھنٹہ ہو جائے گی۔
تفصیل کے مطابق مشیر خزانہ عبدالحفیظ شیخ کے زیر صدارت ایکنک کا اجلاس ہوا جس میں میں ایم ایل ون منصوبے کے ذریعے مسافر ٹرینوں کی تعداد 34 ٹرینوں سے بڑھا کر 137 اور پھر 171 ہو جائے گی اور ریلوے کی مال بردار گاڑیاں 120 کلومیٹر فی گھنٹہ کی رفتار سے چلیں گی۔ منصوبے پر عملدرآمد کا جائزہ لینے کیلئے پراجیکٹ سٹئیرنگ کمیٹی بنائی جائے گی۔
ایکنک نے 11 ارب 7 کروڑ روپے مالیت کے پاکستان سنگل ونڈو منصوبے کی بھی منظوری دی۔ ایف بی آر کے اس منصوبے کی 2023ء میں تکمیل سے سرحد پار تجارت کے نظام اور طریقہ کار میں بہتری آئے گی۔
کراچی میں ریڈ لائن بی آر ٹی منصوبے کی تعمیری لاگت میں تبدیلی کی بھی منظوری دی گئی۔ یہ منصوبہ 78 ارب 38 کروڑ روپے کی لاگت سے مکمل ہوگا۔
