کراچی: (دنیا نیوز) بلدیہ عظمیٰ کراچی نے چڑیا گھر، سفاری پارک میں ٹھیکوں کی نیلامی منسوخ کر دی۔
کراچی چڑیا گھر میں کل سے مختلف ٹھیکوں کی اوپن نیلامی ہونا تھی، بلدیہ عظمیٰ کی طرف سے ٹھیکوں کیلئےاشتہارات کے ذریعے ٹینڈر طلب کئے گئے تھے، کراچی چڑیا گھر میں 4 سے 6 جولائی تک پارکنگ، کینٹین اور دیگر ٹھیکوں کی نیلامی تھی۔
سفاری پارک اور لانڈھی زُو میں 10 سے 12 جولائی تک لائسنس ری نیو ہونا تھا، کراچی چڑیا گھر، سفاری پارک اور لانڈھی زُو میں ٹھیکوں کی معیاد کے بعد بھی مختلف کام جاری ہیں۔
