اسلام آباد: (دنیا نیوز) موٹروے ایم 2 پر تیز رفتار بس الٹنے سے 5 مسافر جاں بحق جبکہ 8 شدید زخمی ہوگئے۔
موٹروے پولیس حکام نے بتایا کہ مسافر بس راولپنڈی سے لاہور جارہی تھی چکری کے مقام پر تیز رفتاری کے باعث حادثے کا شکار ہوگئی، حادثے میں جاں بحق افراد کی لاشوں اور زخمیوں کو اسلام آباد پمز ہسپتال منتقل کردیا گیا۔
یاد رہے کہ آج صبح بہاولپور کی تحصیل حاصل پور میں بھی ایک حادثہ پیش آیا جہاں مسافر کوچ کی کار کو ٹکر کے نتیجے میں ایک ہی خاندان کے 5 افراد جاں بحق ہوگئے۔
