کراچی: (دنیا نیوز) گورنر سندھ کامران ٹیسوری نے صوبائی موٹر وہیکلز ترمیمی بل 2025ء کی منظوری دے دی۔
گورنر سندھ کامران ٹیسوری نے موٹر وہیکلز ترمیمی بل 2025ء کی آئین کے آرٹیکل 116 کے تحت منظوری دیدی، جس کے بعد بل فوری طور پر نافذ العمل ہوگیا۔
بل کے متن میں کہا گیا ہے کہ شہریوں کی حفاظت کو مدنظر رکھتے ہوئے قانون سازی کی گئی ہے، موٹر وہیکلز بل کی خلاف ورزی پر سخت قانونی کارروائی عمل میں لائی جائے گی۔
متین کے مطابق ہیوی وہیکلز کے ڈرائیونگ لائسنس کے اجراء پر مزید شرائط عائد کر دی گئی ہیں، ایل ٹی وی اور ایچ ٹی وی لائسنس کے لئے پری لائسنس ٹریننگ کورس لازمی قرار دیا گیا ہے۔
