قصور: (دنیا نیوز) حضرت بابا بلھے شاہؒ کے 256 ویں عرس کی تقریبات اجتماعی دعا کے ساتھ اختتام پذیر ہوگئیں۔
عرس کی اختتامی دعا رات 3 بجے پیر علی حیدر شاہ نے کرائی، جس میں ملک کی سلامتی، پاک افواج کے شہداء اور ان کے لواحقین کیلئے خصوصی دعائیں کی گئیں، پیر علی حیدر شاہ نے دعا کے دوران پاکستان کی حفاظت اور عوام کی خوشحالی کیلئے بھی دعائیں کیں۔
منیجر اوقاف قصور کے مطابق دعا میں سیلاب زدگان اور فلسطینی بہن بھائیوں کے لئے اللہ تعالیٰ سے آسانی کی استدعا کی گئی، تاکہ وہ بھی اپنے حالات میں بہتری محسوس کر سکیں۔
اختتامی تقریب میں سیکڑوں عقیدت مندوں نے شرکت کی، جنہوں نے حضرت بابا بلھے شاہؒ کی تعلیمات اور ان کی درگاہ پر عقیدت کے پھول نچھاور کئے، اس موقع پر قصور کے تمام مکاتب فکر کے لوگ ایک جگہ جمع ہوئے اور ملک کیلئے امن و سکون کی دعا کی۔
