کراچی: (دنیا نیوز) کراچی کی ملیر جیل سے 225 قیدی فرار ہونے کی تحقیقاتی رپورٹ سامنے آ گئی۔
رپورٹ میں سابق سپرنٹنڈنٹ ارشد شاہ غفلت کےمرتکب قرار پائے گئے، اسسٹنٹ سپرنٹنڈنٹ عبداللہ خاصخیلی اور ڈپٹی سپرنٹنڈنٹ ذوالفقار پیرزادہ بھی ذمہ دار قرار پائے گئے، تینوں افسران کے خلاف ایف آئی آر درج کرنے کی سفارش کی گئی۔
رپورٹ کے مطابق آئی جی اور ڈی آئی جی جیل خانہ جات بھی غفلت کے مرتکب پائے گئے، جیل توڑنے کا واقعہ غفلت نہیں نظام کی مکمل ناکامی ہے، جیل میں تیاری، تربیت اورسکیورٹی کا شدید فقدان تھا، جدید سی سی ٹی وی نظام اورالارم سسٹم بھی فعال نہیں تھا۔
