چنئی: (ویب ڈیسک) پاکستان نے شاندار کھیل کا مظاہرہ کرتے ہوئے روایتی حریف بھارت کو 0-2 سے زیر کرکے 21 ویں ایشین جونیئر ٹیم سکواش چیمپئن شپ جیت لی۔
بھارت کے شہر چنئی میں کھیلی جانے والی چیمپئن شپ کے یکطرفہ فائنل میں ٹاپ سیڈ پاکستان نے میزبان ٹیم کو بآسانی شکست دے کر ایک مرتبہ پھر ایشین جونیئر سکواش چیمپئن شپ کے دونوں اعزازات اپنے نام کرلیے۔
Congratulations Pakistan.
— Pakistan Squash Federation (@paksquash) February 12, 2023
Weldone Team Pakistan we are proud of you
Pakistan is once again Asian champion and beat India in the final of Asian Junior Squash Team Championship 2023 Chennai (India).
Pakistan beat India 2/0 pic.twitter.com/nPhGubLfYV
فائنل کے پہلے میچ میں ایشین جونیئر چیمپئن نورزماں نے اپنے حریف کو 1-3 سے قابو کیا جبکہ دوسرے مقابلے میں محمد حمزہ خان نے مدمقابل کو کسی دقت کے بغیر 0-3 سے ٹھکانے لگا کر پاکستان کو فتح دلوادی۔
مزید برآں سابق عالمی سکواش چیمپئن جہانگیر خان، جان شیر خان اور قمر زمان نے بھارت کو شکست دے کر ایشین جونیئر ٹائٹل حاصل کرنے پر پاکستان سکواش ٹیم کو مبارکباد دیتے ہوئے اسے خوش آئند قرار دیا ہے۔
