بہاولپور: (دنیا نیوز) کوریا میں ہونے والی ایشین جونیئر سکواش چیمپئن کے فاتح سہیل عدنان کا وطن واپس پہنچنے پر شاندار استقبال کیا گیا۔
سکوائش کے کھلاڑی سہیل عدنان کا بہاولپور پہنچے پر بھی شاندار استقبال کیا گیا، ڈپٹی کمشنر سمیت ضلعی انتظامیہ اور سپورٹس انتظامیہ نے خوش آمدید کہا اور سہیل عدنان کو پروٹوکول کے ساتھ سرکاری گاڑی پر گھر پہنچایا۔
یاد رہے کہ بوائز انڈر 13 کے فائنل میں بہاولپور کے سہیل نے بھارت کے آیان دھنوکا کو شکست دے کر چیمپئن شپ پاکستان کے نام کی، سہیل عدنان کی کامیابی کا سکور 11۔5 ، 11 ۔2 ، 11 ۔13 اور 11۔ 6 رہا ہے۔
دوسری طرف انڈر 15 فائنل میں پاکستان کے نعمان خان نے ہم وطن احمد رایان خلیل کو شکست دی تھی۔
