ٹوکیو:(دنیا نیوز) پاکستانی جیولن تھرورارشد ندیم ورلڈ ایتھلیٹکس چیمپئن شپ میں شرکت کے لیے ٹوکیو روانہ ہو گئے۔
ارشد ندیم چیمپئن شپ میں 17۔ستمبر کو کوالیفائنگ راؤنڈ جبکہ 18ستمبر کو فائنل میں ان ایکشن ہوں گے اور اپنے ملک کی بھر پور نمائندگی کریں گے۔
ارشد ندیم ایونٹ میں بہترین پرفارمنس دکھا کر ملک کےلیے ایک اور میڈل جیتنے کے لیے پرعزم ہیں، روانگی سے قبل اپنی گفتگو میں قومی ایتھلیٹ کا کہنا تھا کہ میں میدان میں کسی سے نہیں بلکہ اپنے آپ سے مقابلے کیلئے اُترتا ہوں۔
واضح رہے چند روز قبل کوچ سلمان بٹ اور فزیو ڈاکٹر اسد عباس شاہ نے ارشد کی صحت اور کارکردگی پر مکمل اطمینان کا اظہار کرتے ہوئے کہا تھا کہ ارشد نہ صرف فٹ ہیں بلکہ اس بار بھی پاکستان کے لیے گولڈ میڈل کے مضبوط امیدوار ہیں۔
