نیویارک: (روزنامہ دنیا) ایک نئی طبی تحقیق میں انکشاف کیا گیا ہے کہ خوراک میں حراروں کی مقدار کم استعمال کرنا غیرمتوقع طور پر لمبی عمر کا ذریعہ بنتا اور بڑھاپے کو روکتا ہے۔
اس حوالے سے تحقیق میں 200 افراد کو شامل کیا گیا جو 2 سال تک کم خوراک کا استعمال کرتے رہے ۔ میڈیکل ٹیسٹ کے نتائج سے پتہ چلا کہ وزن کم ہونے سے بالوں میں سفیدی کی رفتار کم ہوئی کیونکہ ان افراد نے اوسط نو کلو گرام وزن کم کیا تھا۔
بلند فشار خون، شوگر اور الزائمر میں مبتلا افراد کے ہاں بھی کم کھانے سے ان کی عمر میں اضافے کے اثرات ملے ہیں۔
