لاہور: (دنیا نیوز) پاکستان میں مختلف ترقیاتی منصوبوں پر کام جاری ہے۔ خبریں ہیں کہ شہر قائد میں اب ترکی کے تعاون سے دہائیوں کے بعد دوبارہ ٹرام سروس چلانے کے منصوبے پر غور کیا جا رہا ہے۔
اس حوالے سے کراچی ایڈمنسٹریٹر افتخار علی شلوانی کی جانب سے جاری بیان میں کہا گیا ہے کہ ترکی جانب سے شہر قائد میں ٹرام سروس چلانے کی پیشکش کر دی گئی ہے۔
ان کا کہنا تھا کہ شہر کی انتظامیہ نے اس منصوبے کو دوبارہ سے چلانے کیلئے غور شروع کرتے ہوئے اس پر کام شروع کر دیا ہے۔
‘Plan afoot to relaunch #tram service in #Karachi’
— Developing Pakistan (@DevelopmentPk) October 24, 2020
Karachi Administrator Iftikhar Ali Shalwani said that #Turkey has offered to launch tram service in the port city and the administration is working over a plan to relaunch the iconic service in the metropolis. pic.twitter.com/bBNsCXX5C0
میڈیا رپورٹس کے مطابق کچھ دن قبل ایک تقریب سے خطاب کرتے ہوئے ان کا کہنا تھا کہ کراچی ٹرام سروس کا ممکنہ روٹ ابتدائی طور پر 9 کلومیٹر پر محیط ہوگا۔
افتخار احمد شلوانی نے کہا کہ انتظامیہ کی جانب سے اس بات پر غور کیا جا رہا ہے کہ ٹرام سروس کو میٹروپول سے چندریگر روڈ تک چلایا جائے۔
Last month, Turkish Consul General Tolga Ucak had offered to launch tram service in the port city in a meeting with the administrator of Karachi
— Developing Pakistan (@DevelopmentPk) October 24, 2020
خیال رہے کہ رواں سال ستمبر میں ترکی کے قونصل جنرل نے کراچی انتظامیہ کو پیشکش کی تھی کہ وہ ٹرام سروس کو دوبارہ چلانے کیلئے تمام ممکنہ مدد فراہم کرنے کو تیار ہیں۔
